شاعـــــیر دوستـــــــوم ! نه سوسوبسان ! ؟

درد گتیــــــریـــــر ، دیلـــــــه منـــــــــــــی !

داغ ســـــــؤکولـــور ، داش دیلــــــه نیــــر !

قینـــــاییــــــرسان ، هـــــــــــــله منــــــی !؟

****************

کـــــــــؤهنــــه یارام ، گیـــزیلــده ییـــــــــــر.

حســـــرت گـــــؤزوم ، یــول ایـــزلـــه  ییـــر.

کــــؤنلـــوم حـــــزیــن ، سیـــزیلـــــدا ییــــر.

چــکـــــدیــن ، بــم دن ، ذیــلــــــــــه منــــی.

****************

دوستــــــوم یــوخــــدور ، سنـــده گــوناه .

فیـــــــلــــی ییخـــــار ، بــــو اودلــــــو آه .

ســــــون ســـــیلاحـــا ، گـــــتیــــــر پنــــاه .

آل قــلــمــــــی ، ! چیــــــــــــله منـــــــــی .

خاشخاش ساتار او قیز

           خییاوانلارین قیراغیندا.

بیریندن اوتانماز.

 حتتا پولیس ده توتانماز

                       بو آدامی!

بیریندن پول آلدیغینی گؤرمه دیم.

گولدویونو آنلامادیم.

آما هر زامان راضی دیر.

سئوینر...

سئویرم دئینده؛ اؤیونر.

خاشخاش ساتار بو قیز.

بلا دئدیییندیر بو...

                زلزله دیر...

                          زییاندیر.

کیم آپاردی دئسه؛ یالاندیر.

بو قیز بو شه هرین لاب ارکک آدامیدیر!

نامازلاری یانلیشدیر.

اوروج توتماز.

تاباغیندا بیرآزمئیوه وار،

                   آما ساتماز!

سیقارا ایسترسن؛ جوشور!

کیبریت تانیماز.

آما تیترک اللری ایستر.

ساری گؤزلری

    ایللردیر گولمه سه ده،

               بو شه هرین یالقیز آدامیدیر!

گؤزلرینده یاشام تله سیر!

اللرینده سئرچه اوره یی

و سینه سینده قورخو لکه سی.

آما پولیس ده توتانماز بو آدامی!

دؤزوملو،

         مغرور

           و چیلغین بیر آتی وار.

دومانلیغی سئور.

هر آخشام اوستو چاشار یالنیز.

اوجالارا قاچماق ایستر.

قاچار...

    قاچار...

           قاچار.

آلینین سیلن اولماز.

گؤزونه بیری باخانماز.

کیم باخدی سا یانیلار!

معصوملوق،

          دورولوق.

حتتا بعضن اوشاقلیق دا گورونر

                       بو آدامین اوووجلاریندا.

نه دینر،

  نه دانیشار.

هر سحر ائرته سی دوغمادان

                               دوداقلاری قانار،

                                    بارماقلاری سوغور.

و اهانت قیلار موشتریلرینه.

پولیس ده توتانماز بو آدامی!

خاشخاش ساتار بو قیز؛

                          تیترک اللره،

                                       یانیق اورکلره.

یاسالامازبیرینی.

اوتانما یوخ ایشینده.

عئینی قورد بالاسی دک امرسئودیکلرینین تلاشینی.

عئینی بیچاق کیمی ان یاخشی یئردن یاپیشار.

عئینی ایییت کیمی تانیماز باشقا بیرینی.

وورار...

  وورار...

    وورار.

بیزیم محلله ده

  بیر قصصاب قیزی

    خاشخاش ساتار هرآخشام اوستو،

پولیس ده توتانماز

         اذان واختی بو قیزی.

(جابر پور باقری )

بو گون بؤیوک شاعیر؛ مممد حوسئین بئهجت تبریزی (اوستاد شهرییار)ین دونیادان کؤچمه سینین ایل دؤنومودور.یازین و هونر عالمینین باشی ساغ اولسون.

 حئیدربابا... ایییت امک ایتیرمز.

عؤمور گئچر،افسوس، بره بیتیرمز!

نامرد اولان؛ عؤمرو باشا یئتیرمز!

بیز ده واللاه اونوتماریق سیزلری.

گؤرنمه سک؛حالال ائدین بیزلری.

حئیدر بابا... سنین یوزون آغ اولسون.        

دؤرت-بیر یانین بولاق اولسون، باغ اولسون.

بیزدن سونرا سنین باشین ساغ اولسون.

دونیا قضوو-قه در، اؤلوم-ایتیم دیر!

دونیا بویو؛اوغولسوزدور،یئتیم دیر!