قاپ- قارادیر،
آنجاق؛
قارا گۆنوم ده
سئومه لی اوْلوب!
آخی..، بۇ دا؛
گؤزلریوی خاطیرلادیر
تبریزیمین قاراگیله سی.
شئعیر:خسرو صلح کننده«باریشان»
حانسی کؤر؛
منیم کیمی،
گؤردوکلرییله
گؤژلرین اویدو؟!
حانسی کار؛
منیم کیمی،
ائشیتدیکلرین
میخلادی قولاغینا؟!
حانسی معتاد؛
منیم کیمی،
چکدییی نفسله
جییرین سؤکدو؟!
حانسی انگل؛
منیم کیمی،
سوموردو بارماقلاریندان
اؤز قانین؟!
حانسی یئر کوره سی؛
منیم کیمی
اولمادان بللی یئری
گرکسیز،
زوراکی
بیر جذبه یله یاشادی؟!
حانسی اوغلان؛
منیم کیمی،
بیر قیزا باخیرکن
ایضطیرابدان
سیندیریب زامانی
آجیغیندان
اؤزون بوشادی؟!
حانسی روبوت؛
منیم کیمی،
عصبلرین
ائلئکتیریک پیریزینه تاخیب،
بئیینینی پاتلاتدی؟!
حانسی هئیکل؛
منیم کیمی،
اؤز باغرینی چاتلاتدی؟!
حانسی داش؛
منیم کیمی،
گؤزیاشلارییله یوغرولدو؟!
حانسی یالان؛
منیم کیمی،
اؤز وارلیق ایله
دوغرولدو؟!
حانسی یام- یام؛
منیم کیمی،
اتین قانینا
تیلته ائتدی؟!
و حانسی شاعیر؛
منیم کیمی،
سؤزلرین قوسدو؟!
شئعیر: خسرو صلح کننده(باریشان)
جومعه:28/2/1386
ایصفهان(شهر اوتوبوسوندا«خط واحد»)، سربازلیق.
اینانیلماز،آمما گئرچکسن اؤلوم کیمی.
یوخ سنین دک،تکرارسیز،تکسن اؤلوم کیمی.
آنلاشیلماز، زامانسیز بیر عئشق، قاچیلماز.
کیمی سئچسن ؛ تسلیم ائده جکسن اؤلوم کیمی.
شئعر:خسرو صلح کننده(باریشان)
گئجه یه
بیرلیکده دولوردولار؛
چاخیر،
دوداق،
یاتاق،
قان.
نه...
قیزاریلمیش
گئجه دیر!
⎕⎕⎕
گئجه یه
بیرلیکده
دولدورولدولار؛
گونش،
نیلوفر،
اورک،
سن،من.
نه...
قیزارمیش گئجه دیر!
(شعر:خسرو صلح کننده«باریشان»)
قایناق:ارک روزنامه سی،سایی:1006
1384/2/5
بو یولدا
ازیلسم بئله
سنین
آیاق ایزین
اولاجاغام.
تا؛
آیدینلیغا گئدن
هر یولجو
یولون تاپسین.
(شعر:خسرو صلح کننده«باریشان»)
قایناق:ارک روزنامه سی،سایی:1112
1383/11/25
بیر روماندیر هر اینسان
اوخویونجا یاشایار.
ⅦⅦⅦ
ائحئی...
اوخویون منی
ائی؛
سؤز داشییان آددیملار،
ائی؛
سؤز جالادان باخیشلار،
ائی؛
سؤز اؤپمه ین دوداقلار،
اوخویون منی.
گور سسله،
هر نفسله،
دورمادان اوخویون.
(خسرو صلح کننده«باریشان»)
23/9/1383
قایناق:ارک قزئتی
سایی:868
بیر نفر ایچیب چاخیر،
سئکسه چاخان عادتینی
داغلایاراق.
سیقارین یانماسیندا
سؤندوره رک شهوتینی.
ⅦⅦⅦ
دومان...
دومان...
ⅦⅦⅦ
بیر کؤرپه یاشاییشدا دیرنمه یی
گؤزلریمده ائدیردی رسم.
ⅦⅦⅦ
سونراداکی؛
باخیشلاریم
عدالتین سرگیسینده
او تابلونو
ساتانمادی!!!
(خسرو صلح کننده«باریشان»)
سوسا میشام یئنه ده،
ائله بیل یاغیش یاغیر!
بو بولود؛
صافلیقدان می؟!
بو ایلدیریم؛
سسسیزلیکدن می؟!
بو شیمشک؛
کورلوقدان می؟!
⎕⎕⎕
بیلیرم؛
یاغیش یاغماسا
قورولوق دوغولار.
نه دن ایسه
منیم یاغیشیم
قورولوقدان دوغولور!؟
(خسرو صلح کننده«باریشان»)
قایناق:ارک روزنامه سی،سایی:1164
منیم
تورپاغیمین اینسانلاری
هممه شه؛
یاشادیلار
گولوشلرین پاسلاریندا
چورو یه رک!
یول..،یول..،
یولمادیلار!
تیکان..،تیکان..،
چیغیردیلار!
سیقارلار یانیق،
اؤزلوکلر سؤنوک!
و قصصابلار؛
قوزولوقدان
قوزو کسیردیلر!
آجییدیلار آخی،
و..،بیچاقلار باللی
منسه؛
یئریدیم
آخسایا-آخسایا دا،
یاشادیم؛
آغلایا-آغلایا دا،
آآ..خ
دومانلار کؤکسومده،
باآ..خ
⎕⎕⎕
حایدی؛
یارالی تورپاغیم
یارالی اورکله
آل منی.
شئعیر:خسرو صلح کننده«باریشان»
قایناق:ارک روزنامه سی،سایی:1009
1384/1/30
سئودیییم قیزا بنزه ییر شئعیرلریم؛
رؤویا کیمی.
بیر شه هردیر شئعیرلریم؛
تبریزیم کیمی.
بیر قاطاردیر شئعیرلریم؛
دمیر یولو
شه هرین
قاپیسینا دک.
باغیریرلار
اؤپوشرکن سؤزجوکلر
میصراع ائولی ییغوالاردا.
چاغیریرلار...
باغیریرلار...
بیر یاساق
قارغاشا دوغولور
سؤزجوکلرده
یاشاما.
بیر اودلو سئودا
بوی آتیر سؤزجوکلرده
یاش، آما!
بیر ماحنی یول یاشاییر
سؤزجوکلرده:
آشاما.
من ایسه؛
بیر ساده آدام.
بیر ساده مجنون.
بیر ساده یولچو.
شعر:خسرو صلح کننده(باریشان)
یئریییردیم خییاواندا،
هر آچیدا
یئرییردین سن ده.
چیچکلرده آچدین حئی،
دیریلدین جانلیلاردا،
بزندین قادینلاردا،
ماشینلاردا سسلندین،
سؤزلرده حایلاندین.
بیردن بیره؛
یاغدی یاغیش.
دؤزنمه دیم،
آخدیم دای!
آمما...
سنی یاغیشلاردا آپارمادی.
شعر:خسرو صلح کننده«باریشان»
1384/1/22
قایناق:ارک روزنامه سی
اوره ییم...
گؤیلرین چیرپینیشی.
گؤزلریم...
یاغیشلارین یادیگاری.
سؤزلریم...
سحرین سوسغونلوغو.
آددیملاریم...
اکیلمیشلرین تارلاسی.
و دوروشوم...
داغلارین آغلاییشی.
هادی گل قورتار منی یاز هاوالیم.
شعر:خسرو صلح کننده «باریشان»
- اسین ادبی درنه یی آچیلان پنجره دیر آذربایجانین بوگونکی یازینینا
- اسین هئچ بیر جناح یا حذبه باغلی اولمادان یالنیز ادبی ساحه لرده چالیشیب و چالیشاجاقدیر.
- بو وبلاگدا یاییملانان یازیلار یالنیز یازیچیسینین گؤروشلری دیر.
-لطفا آدسیز ، آدرس سیز یوروم یازماقدان چکینین. عنوان سیز باخیشلار اوخونمادان سیلینه جکدیر .
- اسین درنه یی بوتون شاعیر و یازیچیلاری اؤز اثرلرینی گؤندرمکله امکداشلیغا چاغیریر . اؤز یازیلارینیزی تایپ ائدیب بیزیم الکترونیکی پست قوتوموزا گؤندرین.
- یازیلارینیز عرب الفباسی ایله یازیلمالیدیر.
- وئبلاگدا یاییملانان اثرلردن باشقا یئرلرده فایدالانماق یالنیز اونون یازیچیسینین ایجازه سی ایله ایمکانلی دیر .
خواننده محترم !
- انجمن ادبي اسين دريچه اي است به ادبيات معاصر آذربايجان
- اسين به هيچ حزب يا گروهي وابسته نبوده و تنها در زمينه ادبيات فعاليت نموده و خواهد كرد
- مطالب منتشر شده در اين وبلاگ ديدگاه نويسنده ی آن است
- از ارسال نظرات فاقد نام و نشاني خودداري نماييد . اينگونه نظرات ضمن عدم مطالعه حذف شده و منتشر نخواهد شد
- انجمن ادبي اسين تمامي شعرا و نويسندگان را با ارسال آثار خود دعوت به همکاری می نماید. لطفا آثار خود را بصورت تايپ شده به صندوق پست الكترونيكي ما بفرستيد.
- نوشته هاي خود را با رسم الخط و فونت عربي تايپ نماييد
- استفاده از مطالب منتشر شده در اين وبلاگ تنها با كسب اجازه از نويسنده آن امكان پذير مي باشد .
88/02/05 - 88/02/21
88/01/01 - 88/01/07
87/12/01 - 87/12/07
87/11/22 - 87/11/30
87/10/05 - 87/10/21
87/09/22 - 87/09/30
87/09/01 - 87/09/07
87/08/08 - 87/08/14
87/08/01 - 87/08/07
87/07/22 - 87/07/30
87/07/05 - 87/07/21
87/07/08 - 87/07/14
87/07/01 - 87/07/07
87/06/22 - 87/06/31
87/06/08 - 87/06/14
87/05/22 - 87/05/31
87/05/08 - 87/05/14
87/04/05 - 87/04/21
حميد والائي
مهدی خدائی
خسرو صلح کننده(باریشان)
باشقا یازیچی لار
حدیثه قلی زاده
رسول ملک زاده
نورالدین مقدم
