گئجه یه

 بیرلیکده دولوردولار؛

چاخیر،

     دوداق،

           یاتاق،

                قان.

نه...

 قیزاریلمیش

          گئجه دیر!

⎕⎕⎕

گئجه یه

 بیرلیکده

      دولدورولدولار؛

گونش،

    نیلوفر،

        اورک،

            سن،من.

نه...

 قیزارمیش گئجه دیر!          

(شعر:خسرو صلح کننده«باریشان»)

قایناق:ارک روزنامه سی،سایی:1006

1384/2/5

سحر گؤزومو آچدیغیمدا ایلک گؤردویوم ، ساغیمدا آتامین جان سیز گؤوده سی ایدی. بیر ده سولومدا چیپلاق بیر قادین ، لیلا.

آتامین باخیجی سی دیر بو لیلا. دون آخشام آراییب آغلایا – آغلایا آتامین اؤلوم خبرینی وئردی. یالان دان آغلی ییردی ، اصلینده اوره یینده اوجادان گولدوغونو ائشیدیردیم. سحر گله رم ، دئدیم :

- اولماز ، من قورخورام.

ندنسه دوردوم گئتدیم. یئنی آچدیغیم ودکا دا منله گلیردی. یولدا ایچیب قورتارمیشدیم. آما بوش شوشه سی هله ده الیمده ایدی. لیلا قاپی نی آچان کیمی گؤزلرینی الیمده کی بوش شوشه یه تیکدی. منسه دانیشمادان ایچه ری گیردیم. لیلا بیر شئ لر آنلاتیردی آتامین اؤلومو ایله ایلگیلی آنجاق چوخ چکمه دی کی او سؤزلره هئچ فیکیر وئرمه دی ییمی آنلادی.

آتامی گؤرمک ایسته دی ییمی سوروشدو ، " یوخ " دئدیم.

قارشیمدا اوتوروب ، گؤزلرینی گؤزلریمه تیکمیشدی لیلا. یاواش – یاواش باخیشی ده ییشدی ، بیر ایل بوندان اؤنجه کی کیمی اولموشدو. بیر ایل اؤنجه آتام بیر هفته مشهده گئتدی . لیلا ایسه او بیر هفته ده مین بیر یوللا منی ائوه چکیب گئجه نی اوردا قالمامی ایسته ییردی. نه ده اولسا من آتامدان داها گنج ایدیم!

آما دیلک لری بوشا گئتدی.

و بو گئجه ، ایکی اتاقلیق بیر ائوین بیر اتاغیندا بیر اؤلو یاتمیشدی. و یانلیز بیر اتاق قالیردی دیری لره. اویونا ائرکن باشلامیشدی ، باخیشی ایله ، یئریشی ایله ، اوتوروشو ایله. داها ائروتیک گؤرونمک اوچون نه باشاردی ایسه یاپدی.

قالخیب آتامین اتاغینا گئتدیم. اوزونه دک اؤرتموشدو. بیر گوشه ده اوتوروب یارین نه ایشلر گؤره جه ییمی دوشوندوم ، یا دا بو گؤوده نی هارا گؤمه جه ییمی. اتاغین هاواسی اؤلموشدو. لیلادان بیر سس یوخ ایدی. یاتدیغینی دوشونوب سئویندیم. آما بیردن قاپی آچیلدی ، قورخمادان ، چکینمه دن ، اؤلونو کنارا چکیب ، یاتاغیندا یاتدی ، منیمله...

                                                                    آردی وار...

(رسول ملک زاده)

بو یولدا

   ازیلسم بئله

سنین

 آیاق ایزین

         اولاجاغام.

تا؛

 آیدینلیغا گئدن

          هر یولجو

              یولون تاپسین.

(شعر:خسرو صلح کننده«باریشان»)

قایناق:ارک روزنامه سی،سایی:1112

1383/11/25

بير اولوم بير قورتاريش

بير دوغوم بير آلدانيش

كيم بيلر

 دونيانين ان سون ايشيني

(مهدی خدائی "ائلیار")

سانجي دولموشدو گؤزلرينه

دوشونجه لري دونموشدو

گؤردویونو اينانميردي

ايستردي بو گئرچك يالان اولايدي

بير اوغلان آتاسين شاخدايا بوروموشدو

مهدی خدائی (ائلیار)

قارا باخت بير اينجه داملا

گوزلر ايچره سينده ياشيير

ديلي يوخ سوزلرين دئسين

يالنيز شورلوغون داشيير

هانكي وقت بير حزين اورك

سيخيليپ نفس چكنمير

داملا گوزدن يئره آخير

تا اورك دمده قرالمير

سيخيلان حزين اورك لر

چوخدي بو فاني دونيادا

اونچون داملالار آخير

گوزلري سانجيدان سالير

گريي وار كي او آخسين

اوركده نفس آچيلسين

قسمتي بودور آخار كن

يرده سانجيني ايتيرسين

اينجه داملا آي كيمين باتير

قاراليق باغرينا چاتير

مهدي خدائي (ائليار)

  گوز ياشلاريمين چيرپينتسيناندا قاچا بيلسن

  نيسگيلي اورگمين سيزيلتيسيندان قاچا بيلمه سن.  

  توخونماييپ حسرت چكن باخيشلاريم اورگيوه بيليرم.

  سن آيريليق كولون يايدين وصال باغچاسينا

  قويمادين محبت چيچكي چيچكلنه

  گئجه لر كابوسلاريمدا سني خاطيرلاييرام.

  سن مني چوخ راحت اونوتدون

  هاما من سني اونوتماق اوچون

  حايات ياشاييشين اونوتدوم.

  اينديسه من سيز خوشبخت ياشايا بيلسن

  نئيلمك كولگميده دونياندان اوغورويارام

مهدي خدائي (ائليار)

سئويم ياني ذ لت پالازي اولسادا اونو اونوتا بيلميه سن

                                  سئويم ياني گوزده چالي اولسادا اونو چيخاردا بيلميه سن    

                                                                سئويم ياني جان اليندن جانا گئلسنده سئوه سن

سئويم ياني تاي توشوندن دالي قالساندا

                          نيسگيل شله سين چينيوه آلساندا سئوه سن

                                                   سئويم ياني هر قدر چاليشساندا اونو آتا بيلميه سن

مهدي خدائي (ائليار)

زيندگانيق شطرنج صحفه سي

آغلي ، قارا ، موربع سي

آغ مربع خوشلوق لاردي

قارالاردا آغلاشلاردي

اوميد اولور محكم بير قلعه

قويمور گيرسين اولوم هله

خوش ايناملار سانكي بير آت

چاپير گئدير دوزجه سيرات

دوزوم،صبير، بير فيل كيمي

اياخلايير غملي تيمي

سئويم اولور عسگرلري

گوشون چكير ،دسته لري

عاقيل اولور سانكي وزير

فكير چكير ، نفس گذير

تام مهره لر چاليشيلار

موصيبته قاريشيلار

بو اويوندا پات اولسالاردا

بوش بير اثر قويسالاردا

سئوينسين لر اويونلاري مات اولمادي

زيندگانيق قارانليق دا سورولمادي.

(مهدي خدائي "ائليار")

بیر روماندیر هر اینسان

           اوخویونجا یاشایار.

ⅦⅦⅦ

ائحئی...

   اوخویون منی

                  ائی؛

                   سؤز داشییان آددیملار،

                  ائی؛

                   سؤز جالادان باخیشلار،

                  ائی؛

                    سؤز اؤپمه ین دوداقلار،

                                        اوخویون منی.

گور سسله،

       هر نفسله،

         دورمادان اوخویون.

(خسرو صلح کننده«باریشان»)

23/9/1383

قایناق:ارک قزئتی

آجیقلییام حه

دنیز هوسییله منی بوغدوران داملالاردان

ایندی هم سوسالاغام .

هم اح ...

کوسموشم دنیز دن آمما

پینار اولدوغومو اینانماییرام حله

بلکی ده قایا کسیب یولومو .

دنیز آرخاسیندا پارتلاییر باغریم

دؤز ، ایچیمده کی بالیق ، دؤز

دنیزین چاغیریشینا

(فریبا نهری)