شاعـــــیر دوستـــــــوم ! نه سوسوبسان ! ؟

درد گتیــــــریـــــر ، دیلـــــــه منـــــــــــــی !

داغ ســـــــؤکولـــور ، داش دیلــــــه نیــــر !

قینـــــاییــــــرسان ، هـــــــــــــله منــــــی !؟

****************

کـــــــــؤهنــــه یارام ، گیـــزیلــده ییـــــــــــر.

حســـــرت گـــــؤزوم ، یــول ایـــزلـــه  ییـــر.

کــــؤنلـــوم حـــــزیــن ، سیـــزیلـــــدا ییــــر.

چــکـــــدیــن ، بــم دن ، ذیــلــــــــــه منــــی.

****************

دوستــــــوم یــوخــــدور ، سنـــده گــوناه .

فیـــــــلــــی ییخـــــار ، بــــو اودلــــــو آه .

ســــــون ســـــیلاحـــا ، گـــــتیــــــر پنــــاه .

آل قــلــمــــــی ، ! چیــــــــــــله منـــــــــی .

بیر نفر ایچیب چاخیر،

         سئکسه چاخان عادتینی

                                داغلایاراق.               

سیقارین یانماسیندا

         سؤندوره رک شهوتینی.

ⅦⅦⅦ

دومان...

  دومان...

ⅦⅦⅦ

بیر کؤرپه یاشاییشدا دیرنمه یی

گؤزلریمده ائدیردی رسم.

ⅦⅦⅦ

سونراداکی؛

باخیشلاریم

   عدالتین سرگیسینده

                   او تابلونو

                         ساتانمادی!!!

(خسرو صلح کننده«باریشان»)

خاشخاش ساتار او قیز

           خییاوانلارین قیراغیندا.

بیریندن اوتانماز.

 حتتا پولیس ده توتانماز

                       بو آدامی!

بیریندن پول آلدیغینی گؤرمه دیم.

گولدویونو آنلامادیم.

آما هر زامان راضی دیر.

سئوینر...

سئویرم دئینده؛ اؤیونر.

خاشخاش ساتار بو قیز.

بلا دئدیییندیر بو...

                زلزله دیر...

                          زییاندیر.

کیم آپاردی دئسه؛ یالاندیر.

بو قیز بو شه هرین لاب ارکک آدامیدیر!

نامازلاری یانلیشدیر.

اوروج توتماز.

تاباغیندا بیرآزمئیوه وار،

                   آما ساتماز!

سیقارا ایسترسن؛ جوشور!

کیبریت تانیماز.

آما تیترک اللری ایستر.

ساری گؤزلری

    ایللردیر گولمه سه ده،

               بو شه هرین یالقیز آدامیدیر!

گؤزلرینده یاشام تله سیر!

اللرینده سئرچه اوره یی

و سینه سینده قورخو لکه سی.

آما پولیس ده توتانماز بو آدامی!

دؤزوملو،

         مغرور

           و چیلغین بیر آتی وار.

دومانلیغی سئور.

هر آخشام اوستو چاشار یالنیز.

اوجالارا قاچماق ایستر.

قاچار...

    قاچار...

           قاچار.

آلینین سیلن اولماز.

گؤزونه بیری باخانماز.

کیم باخدی سا یانیلار!

معصوملوق،

          دورولوق.

حتتا بعضن اوشاقلیق دا گورونر

                       بو آدامین اوووجلاریندا.

نه دینر،

  نه دانیشار.

هر سحر ائرته سی دوغمادان

                               دوداقلاری قانار،

                                    بارماقلاری سوغور.

و اهانت قیلار موشتریلرینه.

پولیس ده توتانماز بو آدامی!

خاشخاش ساتار بو قیز؛

                          تیترک اللره،

                                       یانیق اورکلره.

یاسالامازبیرینی.

اوتانما یوخ ایشینده.

عئینی قورد بالاسی دک امرسئودیکلرینین تلاشینی.

عئینی بیچاق کیمی ان یاخشی یئردن یاپیشار.

عئینی ایییت کیمی تانیماز باشقا بیرینی.

وورار...

  وورار...

    وورار.

بیزیم محلله ده

  بیر قصصاب قیزی

    خاشخاش ساتار هرآخشام اوستو،

پولیس ده توتانماز

         اذان واختی بو قیزی.

(جابر پور باقری )

سوسا میشام یئنه ده،

ائله بیل یاغیش یاغیر!

بو بولود؛

    صافلیقدان می؟!

بو ایلدیریم؛

   سسسیزلیکدن می؟!

بو شیمشک؛

   کورلوقدان می؟!

⎕⎕⎕

بیلیرم؛

 یاغیش یاغماسا

           قورولوق دوغولار.

نه دن ایسه

   منیم یاغیشیم

        قورولوقدان دوغولور!؟

(خسرو صلح کننده«باریشان»)

قایناق:ارک روزنامه سی،سایی:1164

منیم

 تورپاغیمین اینسانلاری

          هممه شه؛

              یاشادیلار

                گولوشلرین پاسلاریندا

                                   چورو یه رک!

یول..،یول..،

        یولمادیلار!

تیکان..،تیکان..،

           چیغیردیلار!

سیقارلار یانیق،

          اؤزلوکلر سؤنوک!

و قصصابلار؛

         قوزولوقدان

               قوزو کسیردیلر!

آجییدیلار آخی،

      و..،بیچاقلار باللی

منسه؛

   یئریدیم

     آخسایا-آخسایا دا،

   یاشادیم؛

     آغلایا-آغلایا دا،

آآ..خ

 دومانلار کؤکسومده،

باآ..خ

⎕⎕⎕

حایدی؛

 یارالی تورپاغیم

        یارالی اورکله

                    آل منی.

شئعیر:خسرو صلح کننده«باریشان»

قایناق:ارک روزنامه سی،سایی:1009

1384/1/30

گؤز ياشلاريمي سپيم دالينجا

بلكه بير گون قاییتدین داليمجا

مهدي خدايي (ائليار)

اوره یيمي اوغورلاییب گئتدين!

آمما بارماقلاريوين ايزين

سينيق اوره یيمين اوستونده

قويوب گئتدين!

مهدي خدايي (ائليار)