سئودیییم قیزا بنزه ییر شئعیرلریم؛

                                  رؤویا کیمی.

بیر شه هردیر شئعیرلریم؛

                            تبریزیم کیمی.

بیر قاطاردیر شئعیرلریم؛

دمیر یولو

     شه هرین

        قاپیسینا دک.

 باغیریرلار

    اؤپوشرکن سؤزجوکلر

               میصراع ائولی ییغوالاردا.

چاغیریرلار...

       باغیریرلار...

بیر یاساق

   قارغاشا دوغولور

               سؤزجوکلرده

                          یاشاما.

بیر اودلو سئودا

      بوی آتیر سؤزجوکلرده

                             یاش، آما!

بیر ماحنی یول یاشاییر

                     سؤزجوکلرده:

                                   آشاما.

 من ایسه؛

   بیر ساده آدام.

   بیر ساده مجنون.

   بیر ساده یولچو.

 شعر:خسرو صلح کننده(باریشان)

 بيلميرم يئر كوره سينين هانسي ديب بوجاغيندا ، هانسي ديني تؤره نده ، سسله نيردي جماعته ، قادين شيطان پارچاسيدير دئيه ، ساققاللي آغا.

نه دئميشلر ، سورو دالي قاييتسا ، آريق آخسار قاباغا دوشه ر!

حالبوكي همين جماعت هاوا قارالينجا او شيطان پارچالاريندان دويموردولار ، سانكي گئجه لر شيطان ، تانري يا چئوريليردي!...

***

... سونرا راحات بير نفس آليب پالتارلاريني گئيدي. بو قاپ – قارانليق گئجه ده ، بوندان آرتيق گؤرولمك ايسته ميردي ، يانيندا ياتان قادينين طرفينده ن. پالتارلي ياتان شيشمان تانيديق بيريسي ايدي ، او معلوم دين تؤره نينده ، اؤنده اگله شنلردن بيريسي ايدي. گئجه ياري يي كئچميشدي ، قادين ديلدن دوشموشدو ، آنجاق شيشمان سو ايسته يينجه ، يينه ده درحال آياغا قالخيب يئرينه گتيرمه سيني ده اونوتمادي. شيشمان سويو قانتاريب سونرا ياتدي ، قادين گؤيده كي اولدوزلارا بير داها باخدي ، اوزاق دوشه ن رؤيالارين دوشونوركن ، گؤز ياشلاري يينه آخدي ، سانكي گؤز گيله لرينه اولدوز تاخدي ، بو كدر دولو آنلارا ائشليك ائتدي ، شيشمانين خورولتو سسي. اتاغي باشينا آلميشدي.

سونوندا گون دوغور ، شيشمان اسنه يه – اسنه يه قالخير ، يينه هر شئ اونا حاضير ، سانكي قولاق لاري ساغير ، اونون هر اداسي بو ائوده بيرينين اوره يين قازير.

ائوي سس سيزليك بورويوب ، ساده جه شيشمانين يئمك يئمه سسي ، چايي خورولداتماسي ، اوجادان گه ييرمه سي ، ايسكاني نعلبكي يه چيرپماسي ، يعني چاي گتير ، تئز گتير!

ثانيه لر آخديقجا ، يئني توزاقلار قورولور ، شيشمان يينه بويورور ، قادين نفس آلديقجا.

گله نك دووارلاري آلتيندا ازيلميش بير قادين دير بو قادين ، او دووارلارا ميخ لانميش ساعاتلارين هر ثانيه سي اونا توزاق ، نييه بيز ده او دووارلارداكي ساعاتلارا بير ميخ ووراق ، نييه؟

زامان اونون اسارتي له گئدير ، او اسارته گوج وئرير ، دستك وئرير. بو آرادا شيشمان دويمور ، يينه ايستير ، نه لر ايستير...

شيشمان قالخير ، نه تانري يا شوكور قيلير ، نه قادينا ، بو ، تاريخين اونا وئردي يي اوستونلوك دور...

آردي وار...

يازان : رسول ملك زاده

 سنین سئودان ایلغیمد یسا

من اونونلا یاشاییرام

چاغ یانغینیندا آلیشاراق

گوزلریم گویه تیکیلیب

یاغمور سایاق گؤیدن یاغاسان

من ده گؤیه اوووج آچیب

سئوداوی گؤیدن آلاراق

قورو دوداقلارا سونام

 مهدی خدائی (ائلیار)

سانکی ایکی سئوگی قوشو

مهدی خدائی (ائلیار)

سنله تانیش اولاندان بری...

مهدی خدائی (ائلیار)